Sabtu, 28 November 2015

Angan-Angan Kan Mulih Kampung

Tepikir jua ku kan mulih kampung. Hajat kan ngatuk tiram (mun pasir tuhur) kan mengunjar ramis sama tekuyung, kan membakar hayam tah jua... Ada ku bepadah sama mama dimalam. Tapi ya berucap mun ulah pasal kakak ipar ku mengkali ndada cuti. 

-
-
-
-

Galat jua ku kan bertutuan Kedayan pasal Kedayan ku kira broken. Mun urang tua-tua mendangar... kali diucap pakah. Yang banar-banarnya ni, darah ku bercampur-campur sudah. Datu (yang bini) sebelah bapa urang Dusun masuk Islam. Kawin sama Datu (yang laki) urang Tutung. Sampai nini laki... kawin nini bini urang Kedayan Brunei.


Sebelah mama ku pulang, Datu (bini) urang Cina. Diangkat keluarga Melayu. Kawin sama Kedayan. Nini laki urang Kedayan. Nini bini Kedayan Cina. Mun dikira-kira... labihnya ka Kedayan. Yang lain-lain Cina, Dusun, Brunei, Tutung. Spesel...

Dimalam melapas tensen di kadai Harris sana Alamesra. Beribun tia nganya sama kawan ku. Praktis kan bertutuan Kedayan. Barigali hati mendangarkan. Urang Kedayan ani hantapkan urang putih. Cua lihat. Motorcar jadi mentuka. Cupboard jadi kaban. Lemonade jadi leminit. Coca Cola jadi Kukula. HaHaHa. Bisai jua la. Unik.

Lagi satu, Kedayan nda sama bahasanya sama Brunei. Ada jua bahasanya labih kurang... tapi Kedayan ndada nyabut R. Contoh : "Marah" jadi "ma'ah". "Sira" jadi "sia". Mun dangan nda tahu, diucapkan sama.

Bah. Kan membari makan ucingku dulu. Lusir-lusir kelaparan ya.

P/S- Saya menulis dalam Bahasa Kedayan. Kalau tak betul.. diam-diam saja. Hehehe :-b

Tiada ulasan:

Catat Ulasan

Terima kasih!